|
* Purasish-e-Gham kaa shukriyaa, kyaa tujhe aagahii nahi’in *
Purasish-e-Gham kaa shukriyaa, kyaa tujhe aagahii nahi’in
tere baghair zindagii dard hai, zindagii nahii’n
daur thaa ek guzar gayaa, nashaa thaa ek utar gayaa
ab vo muqaam hai jahaa’n shikvaa-e-berukhii nahii’n
tere sivaa karuu’n pasand kyaa terii qaayanaat me’n
dono’n jahaa’n kii neamate’n, qiimat-e-bandagii nahii’n
laakh zamaanaa zulm Dhaaye, vaqt na vo Khudaa dikhaaye
jab mujhe ho yaqii’n ki tuu haasil-e-zindagii nahii’n
dil kii shaguftagii ke saath raahat-e-mayakadaa gaii
fursat-e-mayakashi to hai, hasarat-e-mayakashii gaii
zakhm pe zakhm khaake jii, apne lahuu ke ghuunt pii
aah na kar, labo’n ko sii, ishq hai dillagii nahii’n
dekh ke Khushk-o-zard phool, dil hai kuchh is tarah maluul
jaise terii Khizaa’n ke baad, daur-e-bahaar hii nahii’n
|
|