|
* Dost! Rehta hai mujhey dhyan hamesha us ka *
Dost! Rehta hai mujhey dhyan hamesha us ka
ab bhi rakhta huN maiN her cheez meiN hissa us ka
wo to khair us ke gali koochey they us ka aangan,
ho gaya gaoN ko jata hua rasta us ka...
gham ne to ailchi hi maar di'ay haiN sary,
aur hay charoN taraf sara eilaqa us ka
dil-e-khasta ki terha pehna hy khirqa jis ne,
sochty rehty haiN khush-posh saleeqa us ka
jang baqi na rahi, reh gaya janey kaisey,
merey ander kahiN jalta hua khaima us ka
ashk tasbeeh ke dany haiN, giraty rahi'ay,
kabhi moqoof na kij'ay ga wazeefa us ka
haN tare sath guzary hu'ay pal tery haiN,
haN meri umr-e-guzishta ka wo arsa us ka
ye to ham thy na hmaiN ho saka dhoka werna,
chand chehroN ne tarasha lab-o-lehja us ka
wo to kuch tujh se rah-o-rasm nikal aaei hay,
kis ko raas aata hay aafat-zada khitta us ka
--------------------------
Poet: Ejaz Shakir
-------------------------- |
|