غزل

کیوں آن پڑی تیغ کی خنجر کی ضرورت
شاید ہے زمانے کو مرے سر کی ضرورت
ڈھایا ہے ستم تونے جو یہ اہلِ وفا پر
دنیا میں نہیں اب کسی محشر کی ضرورت
اے ابرِ کرم ٹوٹ کے تو آج برسنا
صحرا کو ہے درپیش سمندر کی ضرورت
کافی ہے یہی زادِ سفر عزم ہمارا
ہے خضر کی حاجت نہ سکندر کی ضرورت
زخموں کے شگوفوں پہ بہار آئی ہوئی ہے
دل کو تھی اسی خوشنما منظر کی ضرورت
آئو چلیں مقتل کی طرف توڑ کے زنداں
تکمیل تو ہوجائے ستمگر کی ضرورت
بنتی ہے جہاں بات نہیں دار و رسن کی
پڑتی ہے وہاں حضرت انور کی ضرورت

فیاض انور چاپدانوی

18/2, Dr. Noori Lane, Champdani
Hooghly-712222
Phone: 26327954
بشکریہ ’’میر بھی ہم بھی‘‘	مرتب: مشتاق دربھنگوی
………………………