Ham saadaa hii aise the, kii yuuN hii paziiraa’ii,
jis baar KhizaaN aa’ii samajhe ki bahaar aa’ii,
aashob-e-nazar se kii hamne chaman-aaraa’ii,
jo shai bhii nazar aa’ii gul-rang nazar aa’ii,
ummiid-e-inaayat meN raNjiidaa rahe donoN,
tuu aur terii mehfil, maiN aur merii tanahaa’ii,
(ummiid-e-inaayat : hope of reciprocation; ranjiidaa : sad)
yak-jaan na ho sakiye anjaan na ban sakiye,
yuuN TuuT ga’ii dil meN shamshiir-e-shanaasaa’ii,
(yak-jaan : one; shamshiir-e-shanaasaa’ii : the sword of gnosis)
is tan kii taraf dekho jo qatl-gah-e-dil hai,
kyaa rakkhaa hai maqtal meN ai chashm-e-tamaashaa’ii,
(qatl-gah-e-dil : the battle-field for the heart; maqtal : gallows; chashm-e-tamaashaa’ii : eyes longing for drama