غزل
٭……فیض احمد فیض

اب وہی حرفِ جنوں سب کی زباں ٹھہری ہے
 جو بھی چل نکلی ہے وہ بات کہاں ٹھہری ہے
آج تک شیخ کے اکرام میں جو شے تھی حرام
اب  وہی دشمنِ دیں راحتِ جاں ٹھہری ہے
ہے خبر گرم کہ پھرتا ہے گریزاں ناصح
گفتگو آج سرِ کوئے بتاں ٹھہری ہے
ہے وہی عارضِ لیلیٰ وہی شیریں کا دہن
نگہہ شوق گھڑی بھر کوجہاں ٹھہری ہے
وصل کی شب تھی تو کس درجہ سبُک گزری تھی
ہجر کی شب ہے تو کیا سخت گراں ٹھہری ہے
بکھری اک بار تو ہاتھ آتی ہے کب موجِ شمیم
دل سے نکلی ہے تو کلب لب پہ فغاں ٹھہری ہے
دستِ صیّاد بھی عاجز ہے کفِ گلچیں بھی
بوئے گل ٹھہری  نہ بلبل کی زباں ٹھہری ہے
آتے جاتے یونہی دم بھر کو رکی ہوگی بہار
جاتے جاتے یونہی پل کو خزاں ٹھہری ہے
ہم نے جو طرزِ فغاں کی ہے قفس ایجاد
فیضؔ گلشن میں وہ طرزِ بیاں ٹھہری ہے
&&&&&&&