Mere dil mere musaafir 
huaa phir se hukm saadir 

ke vatan badar ho’n ham tum 
den galii galii sadaaye’n 

kare’n rukh nagar nagar kaa 
ke suraagh koii paaye’n 

kisii yaar-e-naamaabar kaa 
har ek ajanabii se puuchhe’n 

jo pataa thaa apne ghar kaa 
sar-e-kuu-e-naashanaayaa’n 

hame’n din se raat karnaa 
kabhii is se baat karnaa 

kabhii us se baat karnaa 
tumhe’n kyaa kahuu’n ke kyaa hai

shab-e-Gham burii balaa hai 
hame’n ye bhii thaa Ghanimat 

jo koii shumaar hotaa 
hame’n kyaa buraa thaa marnaa
agar ek baar hotaa