|
* Hussain hai Mustafa(s.a.w.w) ka mahwar *
Hussain hai Mustafa(s.a.w.w) ka mahwar
Hussain Mushkilkusha ka mahwar
Hai teergi mein zia ka mahwar
Hussain tu hai Khuda ka mahwar
Mere lye hai yahi batayhra
Hussain mera..Hussain mera
Hussain mera Imam,Aaqa
Hussain ka hai,haseen sarapa
Batool maa hai,Ali hai Baba
Hussain Kabay ka bhi hai kaba
Hussain raaton mein hai sawaira
Hussain mera..Hussain mera
Hai is ki soorat Rasool jesi
Hai is ki seerat Rasool jesi
Hai is ki azmat Rasool jesi
Hai is ki Ismat Rasool jesi
Sab Anbiya ka Hussain sahra
Hussain mera..Hussain mera
Hussain dil mein agar nahi hai?
Woh ayk khandar hai,ghar nahi hai
Haya ka is mein guzar nahi hai
Zameer samjho,magar nahi hai
Hai mere dil mein issi ka daira
Hussain mera..Hussain mera
Hussain saray jahan ka markaz
Falak,zameen o zamaan ka markaz
Qalam ka Loh o Bayan ka markaz
Jahan bhar ki Amaan ka markaz
JAHAAN le lay,yeh saara tera
Hussian mera..Hussain mera
|
|