|
* KAHAANI ORH LI MAI'N NE *
:- KAHAANI ORH LI MAI'N NE -:
ZAMAANA CHAAHTA HAI HAR GHARHI BAS NIT NAYI BAATE'N,
NAYE DIN AUR NAYI SHAAME'N,NAYI SUBHE'N NAYI RAATE'N,
NAYI QASME'N,NAYE WAADE, NAYE RISHTEY,NAYE NAATE,
PURANE JO BHI QISSE THEY WOH AB US KO NAHI BHAATE,
MAI'N KHUD LAFZO'N KI MISRO'N KI BAHAM TAKRAR SE JANAA'N !
BAHUT UKTA GAYI THI AB,
TO MAI'N NE YO'N KIYA, LAFZO'N KO MISRO'N KO,
LAPETA SURKH KAAGHAZ MEI'N,
PHIR UN KO MAN MEI'N RAQSAA'N AAG DIKHLAA DI,
HAWA MEI'N RAAKH KE URHTE HUE ZARRO'N NE JAB POOCHHA,
KAREGI KAYA ?
SUNEGI KYA ? KAHEGI KYA ?
TERA DAAMAN TO KHAALI HAI,
KAHA MAI'N NE,
MUJHE AB KUCHH NAHI KARNA,
MUJHE AB KUCHH NAHI SUN NA, MUJHE AB KUCHH NAHI KAHNA,
KAHAANI ORH LI MAI'N NE. |
|