|
* TUMHARE ROOP SE BARH KAR KAHII'N JAMAL NAHI, *
TUMHARE ROOP SE BARH KAR KAHII'N JAMAL NAHI,
KISI KE LAFZ MEI'N, MER TO KOI MAJAAL NAHI,
KISI KI BAATO'N MEI'N AAKAR USE GANWAANA MAT,
HAI DIL TO GAUHARE NAAYAB, YEH SAFAAL NAHI,
FALAK HAI UNKA THIKAANA WAHAA'N CHAMAKTE HAI'N,
THAHAR GAYE HAI'N JO PALKO'N PE TO KAMAAL NAHI,
KAHAA'N TUMHAARI NAZAR MEI'N MERA MUQAAM BHALA,
MAGAR YO'N DIL SE TOO APNE MUJHE NIKAAL NAHI,
KAHA, YEH THAAM LI DEEWAAR TOO YO'N HI WARNA,
NAHI, BICHHARHNE KA MUJH KO ZARA MALAAL NAHI,
ZAMEE'N SE KURCHIYAA'N KYO'N CHUN RAHI HAI AAJ "BATOOL",
NAHI KAHA THAA TUJHE DIL KO TOO SAMBHAAL NAHI. |
|