IS JANAM MEI'N HO TERA SAATH KAHAA'N MUMKIN HAI,
AUR WAFA KI KOI SAUGHAAT, KAHA'N MUMKIN HAI,
TERI CHAAHAT KA YAQII'N KARNA MERE BAS MEI'N NAHI,
AAG KE BHES MEI'N BARSAAT, KAHA'N MUMKIN HAI,
BAAT KARNE KA BAHAANA BHI NA MILTA HO JAHA'N,ZAAT MEI'N GUM HO KOI ZAAT, KAHA'N MUMKIN HAI,
SUBAH DAM CHAAND SITARO'N KA FASOO'N THAM SAA GAYA,
AB WOH KIRNO'N SE ATI RAAT, KAHA'N MUMKIN HAI,
YEH BHI IK KHWAAB SE JAAGA HUA MANZAR HI NA HO,
TERE HATHO'N MEI'N MERE HAATH, KAHA'N MUMKIN HAI,
DIN,JAGAH, WAQT BATANE KI BHI ZAHMAT HO JANAAB!,
AAP SE SHARFE MULAAQAT, KAHA'N MUMKIN HAI???
TERI CHOWKHAT SE PALAT AAYE YEHI SO'NCH KE HAM,
TOO HAME'N DE KOI KHAIRAAT, KAHA'N MUMKIN HAI,
WOH JO HUM DONO SE GUM HO GAYI IK ROZ "BATOOL",
AAO DHOO'NDE'N NA WAHI BAAT, KAHA'N MUMKIN HAI.