* چلو ھم بھُول جاتے ھیں۔۔۔۔۔ *
چلو ھم بھُول جاتے ھیں۔۔۔۔۔
کسی کی بے وفائی کو
کسی کی کج ادائی کو
کسی انجان رستے کو
کسی اُجڑے کو،بستے کو
ھوا سے اُلجھے خوابوں کو
وفا کے کچے دھاگوں کو
سوالوں کو جوابوں کو
چلو ھم بھُول جاتے ھیں۔۔۔
کسی نے ،
کانچ کی وہ چُوڑیاں بھیجی تھیں تحفے میں
مہکتی لال چُنری سے،
ھمارے سر کو ڈھانپا تھا
مگر اب کرچیاں ھیں اور
لیر و لیر چُنری ھے
رسائی نا رسائی کو
گُلابوں کی دُھائی کو
گُنہ کو پارسائی کو
ھم اِن تیرہ شبوں میں پھر
لرزتا سا کوئی جُگنو جگاتے ھیں
سبھی پچھلے حسابوں کو
چلو ھم بھول جاتے ھیں ۔۔۔
********************** |