Abhi sey kis liye paTthar uthatay ho?
Abhi Munsif qalam ko thaam kar,
Baitha hoa sochon mein gum'sum hai,
Abhi Mulzim katahray mei’n hai lekin,
Is yaqeen kay saath,
Shayed Adal ki ho jeet ab ki baar,
Wakeelon kay dalayal aur gawahon kay
bayaan sab ho chukay lekin,
Abhi Munsif qalam mei’n faislay ko,
lay kay bitha hai,
Qalam tora nahi us ney,
Abhi kuch marhalay baaqi hei’n,
In ko tay tou honay do,
Yahein hoon mei’n,Yahei’n ho tum,
Mujhay sangsaar kar laiyna,
Abhi sey kis lye paTthar uthatay ho.?