|
* Jab bhii nazm-e-maikadaa badalaa gayaa , *
Jab bhii nazm-e-maikadaa badalaa gayaa ,
ek na ek jaam-e-hasii.n torhaa gayaa,
jab safiinaa mauj se Takaraa gayaa ,
naaKhudaa ko bhii Khudaa yaad aa gayaa ,
[safiinaa=ship/boat; naaKhudaa=oarsman]
mai.n ne chhe.Daa qissaa-e-jaur-e-falak ,
jaane kyuu.N un ko pasiinaa aa gayaa,
[jaur=oppression]
dekh kar un kii jafaao.n kaa Khuluus ,
mai.n vafaa ke naam par sharmaa gayaa ,
aap ab aaye.N hai.n aa.Nsuu po.nchane ,
jab mere daaman pe dhabbaa aa gayaa .
|
|