غزل


عجیب حال ہے‘ کیا کیا مری تلاش میں ہے
میں چھُپ گیا ہوں تو دنیا مری تلاش میں ہے

میں ایک بوند کا احسان اُٹھا نہیں سکتا
فضول ہی کوئی دریا مری تلاش میں ہے

مزہ تو جب تھا کوئی شاہ ڈھونڈتا مجھ کو
یہ کیا کہ شہ کا پیادا مری تلاش میں ہے

تم اپنے پاس ہی رکھو یہ اپنے شمس و قمر
سفر نصیب ستارہ مری تلاش میں ہے

اسی خیال سے ہر رہ گذر گزرا ہوں
کہ جانے کون سا رستہ مری تلاش میں ہے

گھنیرے سائے کو ٹھکرا کے یہ سزا پائی
کہ تپتی ریت کا صحرا مری تلاش میں ہے

جہاں سے شہر نکالا دیا گیا مجھ کو
فراغؔ! پھر وہی کوچہ مری تلاش میں ہے




فراغ روہوی
67, Maulana Shaukat Ali Street(Colootola St.),Kolkata-700073,INDIA
Mob.:9831775593/9830616464,E-mail:faraghrohvi@gmail.com