* ھم نے تنہائی سے پوچھا کہ ملو گی کب ت *
آنکھ بن جاتی ھے ساون کی گھٹا شام کے بعد
لوٹ جاتا ھے اگر کوئی خفا شام کے بعد
وہ جو ٹل جاتی رھی سر سے بلا شام کے بعد
کوئی تو تھا کہ جو دیتا تھا دعا شام کے بعد
آہیں بھرتی ھے شب ہجر یتیموں کی طرح
سرد ھو ھاتی ھے ھر روز ھوا شام کے بعد
شام تک قید رھا کرتے ھیں دل کے اندر
درد ھو جاتے ھیں سارے ھی رھا شام کے بعد
لوگ تھک ھار کے سو جاتے ھیں لیکن جاناں
ھم نے خوش ھو کے ترا درد سہا شام کے بعد
خواب ٹکرا کے پلٹ جاتے ھیںبند آنکھوں سے
جانے کس جرم کی کس کو ھے سزا شام کے بعد
چاند جب رو کے ستاروں سے گلے ملتا ھے
اک عجب رنگ کی ھوتی ھے فضا شام کے بعد
ھم نے تنہائی سے پوچھا کہ ملو گی کب تک
اس نے بے چینی سے فورا ھی کہا شام کے بعد
میں اگر خوش بھی رھوں پھر بھی مرے سینے میں
سوگواری کوئی روتی ھے سدا شام کے بعد
تم گئے ھو تو سیہ رنگ کے کپڑے پہنے
پھرتی رھتی ھے مرے گھر میں قضا شام کے بعد
لوٹ آتی ھے مری شب کی عبادت خالی
جانے کس عرش پہ رھتا ھے خدا شام کے بعد
دن عجب مٹھی میںجکڑے ھوئے رکھتا ھے مجھے
مجھ کو اس بات کا احساس ھوا شام کے بعد
ا
کوئی بھولا ھوا غم ھے جو مسلمل مجھ کو
دل کے پاتال سے دیتا ھے صدا شام کے بعد
مار دیتا ھے اجڑ جانے کا دہرا احساس
کاش کوئی نہ کسی سےھو جدا شام کے بعد
******************* |