رات کی رانی کہا ں لے جاوں
 
تجھ کو اے جانی کہا ں لے جاوں
 
تیری مشکل کا تو کچھ کر ھی لوں
 
اپنی آسانی کھاں لے جاوں
 
یہ تو دل میں بھی سما سکتی نہی
 
اتنی ویرانی کہاں لے جاوں
 
یہ جو ھر سمت مرے پھیلی ھے
 
یہ بیابانی کہاں لے جاوں
 
دیکھ کر پڑتے ھیں بل ماتھوں پر
 
خندہ پیشانی کہا ں لے جاوں
 
خود جو بنو لائ پھرے حیرت سے
 
ایسی حیرانی کہاں لے جاوں
 
کوئ رستہ ھے نا دیوار کوئ
 
میں پشیمانی کہاں لے جاوں
 
اب تو سب لٹ چکا جو کچھ بھی تھا
 
اب نگہبانی کہاں لے جاوں
 
کسمپرسی کا عجب عالم ھے
 
ھاے، من مانی کہاں لے جاوں
 
شہر میں کوئ عزادار نہیں
 
مرتیہ خوانی کھاں لے جاوں
 
تو تو لافانی ھوا اور اب میں
 
عالم فانی کھاں لے جاوں
 
شھر کا شھر ھے دانا فرحت
 
اپنی نادانی کہاں لے جاوں
*****************