* چراغ ابھی سے جلائیں پھر اس سے بات ک *
غزل
(فرحت احساس( نئی دہلی
چراغ ابھی سے جلائیں پھر اس سے بات کریں
نئے سرے سے ہوا سے تعلقات کریں
نئی طرح سے بنائیں پھر انگلیوں کو قلم
پھر اپنے دل کو نئی طرح سے دوات کریں
تو اب کے یوں کریں دولہا دماغ کو کر لیں
اور اس کے ساتھ میں جذبات کی برات کریں
بچا کے لائیں کسی بھی یتیم بچے کو
اور اس کے ہاتھ سے تخلیق کائنات کریں
فقیر خود نہیں جاتے ہیں بادشاہ کے پاس
انہیں غرض ہو تو خود آئیں ہم سے بات کریں
Zakir Hussain Institute, of Islamic Studies, Jamia Nagar,
New Delhi-110025 |