* todo na dil ...puraani si baateN nikaalkar *
todo na dil ...puraani si baateN nikaalkar
fariyaad dil ye karta hai aaheN nikaalkar
ab har taraf ghire bhi to apnoN ki chaal se
paayeNga chain hum bhi to raaheN nikaalkar
jo betiyoN pe apni ............rakhega buri nazar
rakhdeNge hum to uske hi aaNkheN nikaalkar
wo baat waqt mauqa.......nahiN laut-ta kabhi
kyuN tum bhi aaj baithe ho yaadeN nikaalkar
Farhat! kabhi kisii se shikaayat na karna tum
sab ko gale lagaalo.......ye baaheN nikaalkar
***** |