حمد

تونے بنائے چاند ستارے
کتنے دلکش کتنے پیارے

تیرے ہی دم سے روشن ہیں
ننھے جگنو اور سیّارے

تیرے ہی دم سے بہتے ہیں
دریا ، سمندر ، ندیوں کے دھارے

روزِ قیامت حکم سے تیرے
ہوں گی چٹانیں پارے پارے

اِس دنیا میں جو کچھ بھی ہے
پیدا ہوئے ترے حکم سے سارے

تو ہے رحیم و کریم بھی مولیٰ
سب میں تری قدرت کے نظارے

تیرے نور سے دور ہوئے ہیں
دنیا کے یہ گھور اندھیارے

فرحت نازیہ

1, Topsia Road (South)
Kolkata-700046
Mob: 9903786723
بشکریہ ’’غزالانِ حرم‘‘ مرتب: مشتاق دربھنگوی
……………………………………