* سرورِ دیں شہِ ہدیٰ صلی علیٰ محمدِ *
نعت پاک
سرورِ دیں شہِ ہدیٰ صلی علیٰ محمدِِ
آپ حبیبِ کبریا صلی علیٰ محمدِِ
باعثِ خلقِ انس و جاں وجہِ زمین و آسماں
آپ ہیں کل کی ابتدا صلی علیٰ محمدِِ
آپ ہیں رب کے میہماں آپ کا رب ہے میزباں
آپ ہیں رب کے آشنا صلی علیٰ محمدِِ
آپ چراغِ دینِ حق آپ ہیں حسنِ باغِ حق
آپ بہارِ دلکشا صلی علیٰ محمدِِ
اے میرے سرورِ ہدیٰ سارے نبی و اولیاء
مقتدی آپ مقتدا صلی علیٰ محمدِِ
آپ کا ثانی و بدل کوئی ہوا نہ ہوسکا
آپ کی شان مرحبا صلی علیٰ محمدِِ
درد و الم سے جاں بلب ہے یہ فریدۂ حزیں
کیجے کرم شہِ ہدیٰ صلی علیٰ محمدِِ
فریدہ حشمت
B-119, Nawab Wajid Ali Shah Road,
Garden Reach, Kolkata-700024
Mob: 9331446472
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………
|