Masiih-e-vaqt sahii ham ko is se kyaa lenaa, 
kabhii mile bhii to dard-e-dil ba.Dhaa lenaa ,

hazaar tark-e-vafaa kaa Khayaal ho lekin ,
jo ruu-ba-ruu huu.N to ba.Dh ke gale lagaa lenaa, 

kisii ko choT lage apne dil ko Khuu.N karanaa ,
zamaane bhar ke Gamo.n ko gale lagaa lenaa ,

Khumaar TuuTe to kaise ke ham ne siikh liyaa, 
tuu na ho to terii yaad se nashaa lenaa, 

safiinaa Duub bhii jaaye to Gham nahii.n 'Farig',
na bhuul kar kabhii ehasaan-e-naaKhudaa lenaa.