####################
 
درد کی انتہا نہیں باقی
 
ورنہ دل میں تو کیا نہیں باقی
 
 
یاد سونی پڑی رہی کیونکر
 
کیا کبھی میں رہا نہیں باقی
 
 
بے سبب ہی بگڑ گئے ہیں وہ
 
آرزو کو بقا نہیں باقی
 
 
ڈوب کر جو ابھر نہیں پایا
 
ساحلوں میں وفا نہیں باقی
 
 
ظلم لوگو پنپ ہی جائے گا
 
جب رہے گی صدا نہیں باقی
 
 
"زندگی میں مزہ نہیں باقی"
 
اب تو کوئ سزا نہیں باقی ؟
 
 
علم کے نور کا چراغاں ہے
 
مفلسی کی وبا نہیں باقی
 
 
دھوپ میں سر برہنہ پھرتے ہیں
 
اب دعا کی ردا نہیں باقی
 
 ####################
فوزیہ اختر نظیر 
####################
 
dard ki inteha nahi'n baaqi
warna dil mei'n to kya nahi'n baaqi
 
yaad sooni padi rahi kyon ker
kya kabhi mai'n raha nahi'n baaqi
 
be sabab hee bigad gaye hai'n woh
aarzoo ko baqa nahi'n baaqi
 
doob ker jo ubhar nahi'n paaya
saahilo'n mein' wafa nahi'n baaqi
 
zulm logo panap hee jaaye ga
jab rahe gi sada nahi'n baaqi
 
"zindagi mei'n maza nahi baaqi"
ab to koi saza nahi'n baaqi ?
 
ilm ke noor ka chiraaghaa'n hai
muflisi ki waba nahi'n baaqi
 
dhoop me ser barhana phirte hai'n
ab dua ki reda nahi'n baaqi
 
########################
 Fauzia Akhter Nazeer