|
* shehar sey door safar kartey hoey *
shehar sey door safar kartey hoey
rah chaltey ya kaheeN beth key sastaatey hoey
aatey jaatey hoey, bey wajah kaheiN ruktey hoey
seeRiiyaan chaRtey hoey, zulf ko suljhaatey hoey
ghar mein aaey kissi mehmaaN ki tawaazoh kartey
chaaey deytey hoey, haathoN sey piyaalii girtey
meiN tumheiN yaad bhii aaya keh naheiN
ghoomtey phirtey hoey, long driving kartey
chooRiiyaan leytey hoey, eid ki shopping kartey
ghar sey jaatey hoey ya shaam ko ghar aatey hoey
beykhiyaalii mein kissi khiyaal mein khho jaatey hoey
duniya daarii sey bohat duur nikal jaatey hoey
meiN tumheiN yaad bhii aaya keh naheiN
pichhley do chaar jo din guzrey heiN
kia kahooN kitney kaThin guzrey heiN
intezaar itna kiya hai keh saddii ho jaisey
beybasii apney moqadar mein likhhii ho jaisey...
|
|