ISHQ US SE KIYA HAI TO YEH GUR YAAD BHI RAKHO,
APNE LIYE HAR DIN NAYII UFTAAD BHI RAKHO,
KUD APNE LIY AAP SAZA BHI KARO TAJWEEZ,
MUNSIF BHI BANO,UJRATI JALLAD BHI RAKHO,
JO HAATH KARE BAKHIA GIRI CHAAK JIGAR KI,
US HAATH MEI'N AB KHANJARE BEDAAD BHI RAKHO,
HAM LOG TO HAR HAAL MEI'N RAHTE HAI'N SADA KHUSH,
JO KHUSH NAHI RAHTE UNHE'N NA SHAAD BHI RAKHO,
MUMKIN HO TO IS ANJUMAN AARAI MEI'N TAZA,
IK ZAKHME DIL KHANMAA'N BARBAAD,
JIS SHAKHS NE DI LIKH KE TUMHE'N APNI ASEERI,
US SHAKHS KO IK PAL KABHI AAZAD BHI RAKKHO,
YEH KAARE JAHA'N AB TO SAMETA NAHI JAATA,
BEHTAR HAI KI APNA KOI HAMZAAD BHI RAKKHO,
SHIISHE MEI'N UTARO KISI NAAZUK SI PARI KO,
QABZE MEI'N KOI APNE PARIZAAD BHI RAKKHO,
YEH GHAR KOI MEHMAAN SERA TO NAHI JIS MEI'N,
IK PAL BHI NAA THAHRO, USE AABAD BHI RAKKHO,
AATA HAI HAME'N JAA'N SE GUZARNE KA AMAL KHOOB,
TUM CHAAHO TO TEGHE SITAM EJAAD BHI RAKKHO,
YEH ZEEST JOOE SHER HAI AYE "KHUSRO" SAANI,
LAAZIM HAI TUMHE TEESHAE FARHAAD BHI RAKKHO.