غزل

٭……فیروزخسروؔ

کبھی ہے دشت، کبھی چشمِ تر سمند ہے
جلو میں آگ لئے ہم سفر سمندر ہے
ہوا کا شور ہے، بارش ہے اور تنہائی 
جدھر نگاہ کریں ہے ہم ادھر سمندر ہے
مری سرشت میں ہے گہرے پانیوں کا سفر
بھنور ہے پائوں میں اور رہ گزر سمندر ہے
کشاں کشاں لئے جاتا ہے شوق غواصی
مرے حساب میں لعل و گہر ، سمندر ہے
ادھر حباب، اُدھر میرے ہم نفس گرداب 
اُبھرتے، ڈوبتے پیشِ نظر سمندر ہے
تجھے یہ غم کہ در و بام لے گیا سیلاب
وہ لوگ بھی ہیں یہاں جن کا گھر سمندر ہے
اب اس قدر بھی نہ موجوں کو سر چڑھااپنے
سمجھ نہ کھیل اسے ، کچھ تو ڈر ‘ سمندر ہے
بدل رہا ہے شب وروز راستہ، خسروؔ
سنا ہے میری طرح در بدر سمندر ہے
****