* ''Tabiyat maiN udasi baRh gaii hai *
''GHAZAL'' _ (''TABIAT MEIN UDASI BARH GAI HAY'')
''Tabiyat maiN udasi baRh gaii hai
udasi achi khaasi baRh gaii hai
me're jaise ki sheh pr had se apni
suna hai ghr ki maasi baRh gaii hai
nazr andaz kar k devta ko
ye kis ke saath daasi baRh gaii hai
gali koochoN ke ander barishoN maiN
samander ki nikasi baRh gaii hai
me're bachoN ki neendaiN uR gaii haiN
me're abba ki khaansi baRh gaii hai
mahabbat maiN me'ri beti se aagay
me'ri piyari nawasi baRh gaii hai
te'ri chahat me'ri gardan ka phanda
sazaooN maiN ye phansi baRh gaii hai
rubaii ne kaha hans kar kisi se
sukhn maiN ab salasi baRh gaii hai
suna hai khush kalami ghut gaii hai
kisi ki khush libaasi baRh gaii hai
huwa jis din se shouq e shaEr goii
hamari bad hawasi baRh gaii hai
na bhaya jab sukhn is dil ko khusro
nazr us roz piyasi baRh gaii hai''
**** |