غزل

٭……رگھو پتی سہائے فراقؔ

ساغرِ چکاں لائو کہ کچھ رات کٹے
نورِ سیال کو چھلکائو کہ کچھ رات کٹے
نغمہ جلوہ رخت گائو کہ کچھ رات کٹے
شعلہ عشق کو بھڑکائو کہ کچھ رات کٹے
بھولے بسرے ہو یا غم ہائے حیات فتہ
تم بھی ایسے میں چلے آئو کہ کچھ رات کٹے
ایک مدت سے فضائوں میں ہیں شعلے لپکے
سازِ شبنم ہی کو کھنکائو کہ کچھ رات کٹے
اوڑھنی اس کی ہوائیں ہیں کہ تاروں بھری رات
کسی گھونگھٹ ہی کو سرکائو کہ کچھ رات کٹے
تم جُدا ہو گے تو ہو جائے گی یہ رات پہاڑ
رات کی رات ٹھہر جائو کہ کچھ رات کٹے
اس زمانے میں کہاں ہے کوئی رودادِ نشاط
غم کے افسانے کہے جائو کہ کچھ رات کٹے
یادِ ایاّم کی پروائیو دھیمے دھیمے!
میرؔ کی کوئی غزل گائوں کہ کچھ رات کٹے
آکہ محفل میں فراقؔ آج نہیں نغمہ سَرا
جا کے اس کو بلا لائو کہ کچھ رات کٹے
*****