* Mujhko maaraa hai har ek dard-o-davaa se pahle *
Mujhko maaraa hai har ek dard-o-davaa se pahle
dii sazaa ishq ne har jurm-o-Khataa se pahle
aatish-e-ishq bhaDakatii hai havaa se pahle
honth jalate hai’n muhabbat me’n duaa se pahle
ab kamii kyaa hai tere be-sar-o-saamaano’n ko
kuchh na thaa terii qasam, tark-o-fanaa se pahle
ishq-e-bebaak ko daave the bahut Khalavat me’n
kho diyaa saaraa bharam sharm-o-hayaa se pahle
maut ke naam se Darate the ham, ai shauq-e-hayaat
tuune to maar hii Daalaa thaa qazaa se pahle
ham unhe’n paake "Firaq" aur bhii kuchh khoye gaye
ye takalluf to na the ahad-e-vafaa se pahale
|