|
* ChiraaGh-e-tuur jalaao baRaa andheraa hai, *
ChiraaGh-e-tuur jalaao baRaa andheraa hai,
zaraa naqaab uthaao baRaa andheraa hai,
(chiraagh : lamp; tuur : The mountain where Moses went to meet God; naqaab : veil)
mujhe Khud apnii nigahoN pe ait’maad nahiiN
mere kariib na aao baRaa andheraa hai
vo jin ke hote hai Khurshid aastiinoN meN,
unheN kahiiN se bulaao baRaa andheraa hai,
(Khurshiid : The Sun; aastiinoN : sleeves; kahiiN : somewhere)
abhii to sub’h ke maathe kaa rang kaalaa hai,
abhii fareb na khaao, baRaa andheraa hai,
|
|