* خواہشیں ہیں قصّے ہیں بے شمار ارما¬ *
غزل
(فضیل جعفری( تھانے
خواہشیں ہیں قصّے ہیں بے شمار ارماں ہیں
ڈاکئے کے تھیلے میں کیسے کیسے طوفاں ہیں
حال ادب کا اب یہ ہے طبلے اور سارنگی
لکھ رہے ہیں تنقیدیں’’ پائلیں ‘‘ غزل خواں ہیں
شہر ہوں کہ صحرا ہوں دشت ہو کہ دریا ہوں
سب سے بھاپ اٹھتی ہے سب شرار ساماں ہیں
جسم ہو گیا ڈھیلا، جلد پڑ گئی پیلی
دل کے سلسلے لیکن عمر سے گریزا ںہیں
یہ جو میری منشی ہیں یعنی جعفری صاحب
یہ بھی اپنے وقتوں کے سرگروہ زنداں ہیں
Sector-Vll-A, 301/3,Shanti Nagar
Meera Road, Thane (M.S)
|