Husn ke zer e baar ho ke na ho!!
Ab mere dil me pyar ho ke na ho 
 
Marg e amboh dekh aate hain!!!!
Aankh phir ashkbaar ho ke na ho 
 
Karb e paiham se hogaya pat_thar
Ab ye seenaa figaar ho ke na ho 
 
Phir yahi rut ho ain mumkin hai
Par tera intezaar ho ke na ho 
 
Shakh e zatoon ke amiN hum hain
Shahr me ishtehaar ho ke na ho 
 
Daagh e dil hum dikhaye jate hain
Us pe hai _ Sharmsaar ho ke na ho 
 
She’r mere sanbhal kar rakhna!
Ab ghazal mushkbar ho ke na ho
***