* Haath dunia se dhoke dekhte hai'n *
Haath dunia se dhoke dekhte hai'n
Sab se begana hoke dekhte hai'n
Yu'nhi mujo'n ko kuchh qarar aaye
Apni kishti dubo ke dekhte hai'n
Tujh ko paa kar to kuchh na mila hame'n
Zindagi tujh ko kho ke dekhte hai'n
Yeh bhi ek shake Shadmani hai
Ghair ke Gham me'n ro ke dekhte hai'n
Aik bar-e- gera'n sahi hasti
Aur kuchh roz dho ke dekhte hai'n
Shayad apna naseeb bhi jaage
Us ke pahlu me'n so ke dekhte hai'n
Jane ham kis dayar me'n hai'n hafeez
Har qadam par jo dhoke dekhte hai'n
|