* آستینوں میں نہ خنجر رکھئے دل میں ج *
آستینوں میں نہ خنجر رکھئے
دل میں جو ہے وہی لب پر رکھئے
ہونٹ جلتے ہیں تو جلنے دیجئے
اپنی آنکھوں میں سمندر رکھئے
اپنی پرچھائیں بھی ڈس لیتی ہے
ہر قدم سوچ سمجھ کر رکھئے
کس کو معلوم ہے کل کیا ہوگا
آج کی بات نہ کل پر رکھئے
جیب خالی ہے تو غم مت کیجئے
دل بہر حال تونگر رکھئے
جو مہہ و سال کا پابند نہ ہو
کوئی ایسا بھی کلنڈر رکھئے
ہر نظر سنگ بداماں ہے یہاں
آبگینوں کو چھپا کر رکھئے
٭٭٭
|