* Mohabbat karne vaale kam na honge *
Mohabbat karne vaale kam na honge
terii mahfil me’n lekin ham na honge
zamaane bhar ke Gham yaa ik teraa Gham
ye Gham hogaa to kitne Gham na honge
dilo’n kii ulajhane’n barhatii rahengii
agar kuchh mashvare baaham na honge
agar tuu ittafaaqan mil bhii jaaye
terii furqat ke sadamen kam na honge
'Hafeez' un se mai’n jitanaa badgumaan huu’n
vo mujh se is qadar barham na honge
|