|
* Mohabbat karanevaale kam na ho.nge, *
Mohabbat karanevaale kam na ho.nge,
terii mahafil me.n lekin ham na ho.nge ,
zamaane bhar ke Gham yaa ik teraa Gham,
ye Gham hogaa to kitane Gham na ho.nge,
dilo.n kii ulajhane.n ba.Datii rahe.ngii,
agar kuchh mashvare baaham na ho.nge,
agar tuu ittafaaqan mil bhii jaaye,
terii furqat ke sadame.n kam na ho.nge,
’Hafeez’ un se mai.n jitanaa bad_gumaa.N huu.N,
vo mujh se is qadar barham na ho.nge.
|
|