|
* Shaaiir huN meraa kaam nahiiN falsafaa-raanii, *
Shaaiir huN meraa kaam nahiiN falsafaa-raanii,
khaltii hai mujhe Thhos nataaij ki garaanii,,
insaan ki tasveer nayii ho ke puraanii,
matloob mujhe husn hai aur husn-e-ma’anii,
Allah ke bandoN se mujhe bair nahiiN hai,
yaani merii duniyaa meiN ko’ii Gair nahiiN hai,
qaumoN ki hilaayakat ka hunar dekh rahaa huN,
ye roz-o-shab-o-shaam-o-sahar dekh rahaa huN.
|
|