UThii hai maGhrib se ghaTaa,
piine kaa mausam aa gayaa,
hai raqs me.n ik maah-laqaa,
naazuk adaa naaz aafriin,
haa.N naachatii jaa gaaye jaa,
nazaro.n se dil baramaaye jaa,
ta.Dapaaye jaa ta.Dapaaye jaa ,
o dushman-e-duniyaa-o-dii.n,
teraa thirakanaa Khuub hai ,
terii adaaye.n dil-nashii.n,
lekin Thahar tuu kaun hai ,
o niim-uriyaa.N naazanii.n,
kyaa mashriqii aurat hai tuu,
hargiz nahii.n hargiz nahii.n,
terii ha.Nsii bebaak hai,
terii nigaah chaalaak hai,
uff kis qadar dil-soz hai,
taqariir baazaarii terii,
kitanii havas aamez hai,
ye saadaa purkaarii terii,
sharm aur izzat vaaliyaa.N,
hotii hai.n iffat vaaliyaa.N,
vo husn kii shahzaadiyaa.N,
parde kii hai.n aabaadiyaa.n,
chashm-e-falak ne aaj tak,
dekhii nahii.n un kii jhalak,
sarmaayaa-e-sharm-o-hayaa,
zevar hai un ke husn kaa,
shohar ke dukh sahatii hai.n vo,
muu.Nh se nahii.n kahatii hai.n vo,
kab saamane aatii hai.n vo,
Ghairat se kaT jaatii hai.n vo,
aziiyat-e-millat un se hai,
naam-e-sharaafat un se hai,
imaam par qaayam hai.n vo,
paakiizaa-o-saayam hai.n vo,
tujh me.n nahii.n sharm-o-hayaa,
tujh me.n nahii.n mahar-o-vafaa,
sach sach bataa tuu kaun hai,
o behayaa tuu kaun hai,
ye pur-fasuu.N Ghamze tere,
naa-maharamo.n ke saamane,
haT saamane se duur ho,
maraduud ho maqhuur ho,
taqadiir kii heTii hai tuu,
shaitaan kii beTii hai tuu,
jis qaum kii aurat hai tuu,
us qaum par laanat hai tuu,
lekin Thahar jaanaa zaraa,
terii nahii.n ko-ii Khataa,
mardo.n me.n Ghairat hii nahii.n,
qaumii hamiiyat hii nahii.n,
vo millat-e-baizaa kii thii,
saare jahaa.N kii raushanii,
jaamiyat-e-islaamiyaa.N,
shahanshaah-e-hindustaa.N,
ab is me.n dam kuchh bhii nahii.n,
ham kyaa hai.n ham kuchh bhii nahii.n,
millii siasat uTh ga-ii,
baazuu kii taaqat uTh ga-ii,
shaan-e-hejaazii ab kahaa.N,
vo turk-taazii ab kahaa.N,
ab Ghazanavii himmat ga-ii
ab baabarii shaukat ga-ii
lekin mujhe kyaa Khabt hai,
taqariir kyo.n berabt hai,
itanaa sharaabii ho gayaa,
aql-o-Khirad bhii kho gayaa,
mujhako zamaane se Gharaz,
miTane miTaane se Gharaz,
hindustaan se kaam kyaa,
andeshaa-e-islaam kyaa,
jiine do jiine do mujhe,
piine do piine do mujhe,
jab hashr kaa din aayegaa,
us vaqt dekhaa jaayegaa,
haa.N naachatii jaa gaaye jaa,
nazaro.n se dil baramaaye jaa,
ta.Dapaaye jaa ta.Dapaaye jaa, 
dushman-e-duniyaa-o-dii.n,