* Hamara silsila boghdad se arab se hai *
Hamara silsila boghdad se arab se hai
Aur is ka silsila changez ke nasab se hai
Zami'n ke jhoote khodaao'n se kuchh nahi'n lena
Mera mamla ab sirf apne rab se hai
Mila hai rabt anokha gunah se us ka
Doa-e-dil ka taaluq bhi neem shab se hai
Yeh karobar-e-mohabbat to faayeda dega
Use rasad se gharz aur mujhe talab se hai
Umand raha hai samundar jo peyaas ka itna
Kuchh us ka rishta kisi aariz aur lab se hai
Hamari be khabri bhi baja sahi "Haidar"
Par us ki barhami bhi to kisi sabab se hai
Rossert Street No.-6, 65795, Hatters Heim-l,
(Germany)
|