* ہوتی ہوں میں جب محفل میں *
ہوتی ہوں میں جب محفل میں
اُس کو چھپا لیتی ہوں دل میں
ہے وہ مرا خفیہ دم ساز
اے سکھی ساجن؟ نا سکھی راز
ء
دام میں اُس کے جب پھنس جائوں
چاہوں نکلنا تو دھنس جائوں
کردے مجھ کو وہ یوں نربل
اے سکھی ساجن؟ نا سکھی دلدل
ء
پہن کے وہ کھدّر کا لبادہ
بھول گیا سب کرکے وعدہ
آکے خبر بھی اب نہیں لیتا
اے سکھی ساجن؟ نا سکھی نیتا
ء
الٹی سیدھی بات کرے وہ
بک بک یوں دن رات کرے وہ
چپ نا رہ پائے وہ اک پل
اے سکھی ساجن؟ نا سکھی پاگل
*** |