اُس کی رسائی ہر محفل میں
گھر وہ بنالے سب کے دل میں
چاہے اُسے سارا سنسار
اے سکھی ساجن؟ نا سکھی پیار
ء
سوچ سمجھ کر دائو لگائے
لیکن وہ کبھی ہار بھی جائے
جیتے کرکے فتنہ سازی
اے سکھی ساجن؟ نا سکھی بازی
ء
کام ہے اُس کا کھیتی باڑی
اُس نے کبھی نا فصل اجاڑی
رہتا ہے وہ خاک بداماں
اے سکھی ساجن؟ نا سکھی دہقاں
ء
میری کشتی کا وہ کھویّا
پار لگائے میری نیّا
ہمت میں کون اُس کا ساجھی
اے سکھی ساجن؟ نا سکھی مانجھی
***