|
* Hesaare Khawab se bahar kisi ko keya milega *
Hesaare Khawab se bahar kisi ko keya milega
Faqat kuchh rat jage, ya ranj ka sahra milega
Zamana ho gaya ham dhoop orhe chal rahe hai'n
Na jane kab safar tootega kab saya milega
Abhi to shahro'n ki had se koso'n door hai'n ham
Abhi to raah me'n ek hijr ka dariya melega
Najane kab talak ham niind me'n chalte rahe'nge
Na jane kab sarai jaa'n ka darwaza milega
Yeh kis bazaar me'n ham khawab lene aagaye hai'n
Khabar keya thee ke yah sauda bahut ma'nhga milega
"Hasan" is aas par aawarah gardi kar rahe hai'n
Ke agle morh par hamzad achanak aa milega
H.No 11, Sector-29, Korang Twon,
Islamabad (Pakistan)
|
|