غزل

ہر شخص کہہ رہا ہے تجھے دیکھنے کے بعد
دعویٰ مرا بجا ہے تجھے دیکھنے کے بعد

ہم آکے تیرے شہر سے واپس نہ جائیں گے
یہ فیصلہ کیا ہے تجھے دیکھنے کے بعد

کہتے ہیں تجھ کو لوگ مسیحا مگر یہاں
اک شخص مرگیا ہے تجھے دیکھنے کے بعد

سجدہ کروں کہ نقشِ قدم چومتی رہوں
گھر کعبہ بن گیا ہے تجھے دیکھنے کے بعد

سجدہ کروں گی تجھ کو تو کافر کہیں گے لوگ
یہ کون سوچتا ہے تجھے دیکھنے کے بعد

رہتی ہے کھوئی کھوئی سی ہر وقت اب حنا
یہ حال ہوگیا ہے تجھے دیکھنے کے بعد

حناتیموری

E-2, 621,
Shaheed Nagar
Agra (U.P)
Mob: 9368617581
بہ شکریہ جانِ غزل مرتب مشتاق دربھنگوی
+++