Mai.n so rahaa thaa aur ko_ii bedaar mujh me.n thaa ,
shaayad abhii talak meraa pindaar mujh me.n thaa ,

[bedaar=awake; pindaar=pride] 

vo kaj_adaa sahii merii pahchaan bhii thaa vo ,
apne nashe me.n mast jo fan_kaar mujh me.n thaa ,

[kaj-adaa=crooked; fanakaar=artiste] 

mai.n Khud ko bhuultaa bhii to kis tarah bhuultaa,
ik shaKhs thaa ki aa_iinaa bar_daar mujh me.n thaa ,

[aa_iinaa bar_daar=bearing a mirror] 

shaayad usii sabab se tavaazun-saa mujh me.n hai ,
ik muhtasib liye hue talvaar mujh me.n thaa ,

[sabab=reason; tavaazun=balance; muhatasib=one who stops] 

apnii kisii amal pe nidaamat nahii.n mujhe ,
thaa nek dil bahut jo gunaah_gaar mujh me.n thaa ,