Har qadam par nit naye saa.Nche me.n Dhal jaate hai.n log ,
dekhte hii dekhte kitne badal jaate hai.n log ,

kis liye kije kisii ghum_gashtaa jannat kii talaash ,
jab ki miTTii ke khilone se bahal jaate hai.n log ,

[ghum_gashtaa=lost] 

kitne saadaa dil hai.n ab bhii sun ke aavaaz-e-jaras ,
pesh-o-pas se beKhabar ghar se nikal jaate hai.n log ,

[aavaaz-e-jaras=sound of bells; pesh-o-pas=thought and wisdom] 

shamaa kii maanind ahal-e-anjuman se beniyaaz ,
aksar apnii aag me.n chup-chaap jal jaate hai.n log, 

'Shayar' un kii dostii kaa ab bhii dam bharte hai.n aap ,
Thokare.n khaa kar to sunte hai.n sambhal jaate hai.n log.