|
* Paao.n ke zaKhm hai.n farsh-e-gul-e-tar hone tak *
Paao.n ke zaKhm hai.n farsh-e-gul-e-tar hone tak,
raah dushvaar hai aaGhaaz-e-safar hone tak,
ye alag baat ke Khaamosh hai.n ahl-e-zindaa.N,
varnaa ye qaid hai diivaar me.n dar hone tak,
[ahl-e-zindaa.N = residents of prison]
ek nazar naqsh-e-kaf-e-paa kaa hunar to dekho,
kahkashaa.N sii nazar aatii hai sahar hone tak,
[naqsh-e-kaf-e-paa = footprints; kahkashaa.N = Milky Way]
haaye vo biij jo miTTii me.n dabaa rahtaa hai,
kin maraahil se guzartaa hai shajar hone tak,
kyaa Khabar tum ko ki ye saqf ye diivaar hai.n kyaa,
ham pe kyaa guzrii hai is chhaao.n ke ghar hone tak.
[saqf = ceiling]
|
|