غزل

تم زمانے کے ہو ستائے ہوئے
ہم بھی ہیں دل پہ چوٹ کھائے ہوئے

جن کو سمجھا تھا ہم نفس میں نے
دیکھتے دیکھتے پرائے ہوئے

آپ ہم کو فریب کیا دیتے
ہم تو ہیں خود فریب کھائے ہوئے

اے خوشی آج چھیڑ مت ہم کو
غم کو ہم دل سے ہیں لگائے ہوئے

جھک گئیں شرم سے مری آنکھیں
وہ تھے میرے قریب آئے ہوئے

ہوگئی کیفیت عجب میری
جب سے وہ دل میں ہیں سمائے ہوئے

بات کیا ایسی ہوگئی فرحتؔ
وہ نظر آئے تلملائے ہوئے

ھماؔ فرحت

H.No. C-97,
Shaheen Bagh, Okhla
New Delhi-110025
Mob: 9891330050
بشکریہ جانِ غزل مرتب مشتاق دربھنگوی

………………………