غزل

گزرا ترا خیال جو دل کے دیار سے
اک ہوک سی اٹھی ہے دلِ بے قرار سے

صورت میں تیری دیکھ لوں صورت جو کوئی ہو
بوجھل ہیں میری آنکھیں شبِ انتظار سے

میں پیار سے ہمیشہ اُسے دیکھتی رہی
دیکھا کبھی نہ میری طرف جس نے پیار سے

یارب وہ دن کبھی تو مری زندگی میں آئے
مسرور دل ہو لذتِ دیدارِ یار سے

تو ہی بتا کہ کیسے تجھے بھول جائوں میں
باہر ہے یہ تو کام مرے اختیار سے

وہ ساتھ ہے اگر تو خزاں ہے مجھے پسند
فرحتؔ مجھے غرض نہیں فصلِ بہار سے

ھماؔ فرحت

H.No. C-97,
Shaheen Bagh, Okhla
New Delhi-110025
Mob: 9891330050
بشکریہ جانِ غزل مرتب مشتاق دربھنگوی

………………………