Dil ishq meiN bepaayaaN, sauda ho to aisa ho
Darya ho top aisa ho, sehra ho to aisa ho

Ham se nahiN rishta bhi, ham se nahiN milta bhi
Hai paas wo baiTha bhi, dhoaka hai to aisa ho

Wo bhi raha baygaana, ham ne bhi na pehchaana
HaaN ai dil-e-deewaana, apna ho to aisa ho

Ham ne yahi maaNga tha, us ne yahi baKhshaa hai
Banda ho to aisa ho, daata ho to aisa ho

Is daur meiN kya kya hai, ruswaayi bhi lazzat bhi
KaaNTa ho to aisa ho, chubhta ho to aisa ho

Ai Qais junooN paisha, Insha ko kabhi daikha?
Wahshi ho to aisa ho, ruswa ho to aisa ho