* Jab merii haqiiqat jaa jaa kar un ko sunaaii logo’n ne *
Jab merii haqiiqat jaa jaa kar un ko sunaaii logo’n ne
kuchh sach bhii kahaa kuchh jhuuth kahaa kuchh baat banaaii logo’n ne
Dhaayen hai’n hameshaa zulm-o-sitam duniyaa ne muhabaat vaalo’n par
do dil ko kabhii milane na diyaa deevaar uthaaii logo’n ne
aankho’n se na aansuu ponch sake hontho’n pe khushii dekhii na gaii
aabaad jo dekhaa ghar meraa to aag lagaaii logo’n ne
tanhaaii kaa saathii mil na sakaa rusvaaii me’n shaamil shahar huaa
pahle to meraa dil tod diyaa phir iid manaaii logo’n ne
is daur me’n jiinaa mushkil hai ai 'Ashk' koii aasaan nahii’n
har ik qadam par marane kii ab rasm chalaaii logo’n ne
|