Kuchh nahi'n hoo'n mai'n amal daro'n ke beech
Hoo'n jo rahmat ke talabgaro'n ke beech

Aag hoti ek duniya aur mai'n
Phool aise lafz angaro'n ke beech

Aadmi ! gum ho raha hai aadmi
Urh rahi hai dhool bazaro'n ke beech

Bekasi, bezaargi, be chehragi
Ghir gaye ham kaise aazaro'n ke beech

Zindagi ae Zindagi ! yeh keya hua !
Ghir gayee hai too parastaro'n ke beech

Ro rahe ho shor se keyo'n ae "Imam"
Dosti keya margayee yaaro'n ke beech

			Editor ''Shair'' P.O Box. No-3770
			Girgaon H.P.O Mumbai-400004